Ushbu maqolada PISA 2022 xalqaro tadqiqotida oʻquvchilarning matematika fanidan ayrim savollarga bergan javoblari koʻrib chiqilgan. PISA 2022 asosiy tadqiqoti asosan matematika yo‘nalishidagi savollarni ko‘proq o‘z ichiga olgan topshiriqlardan iborat. Bu maqolada birinchi navbatda matematika fanidan ochiq test topshiriqlaridan namunalar, savolning maqsadi, tavsifi, matematik mazmun sohasi, kontekst, aqliy jarayon turlari va oʻzbekistonlik oʻquvchilarning xalqaro kontekstdagi koʻrsatkichlari berilgan. Ayrim test topshiriqlarining strukturalari tasvirlangan, topshiriqning ko‘rinishi va toʻgʻri javoblar keltirilgan. Maqolada, shuningdek, savollar boʻyicha Oʻzbekiston va IHTT davlatlari o‘quvchilarining toʻgʻri javoblar bo‘yicha o‘rtacha foizi koʻrsatilgan.