Abdulla Avloniy nomidagi pedagogik mahorat milliy instituti STEAM markazida robototexnika, muhandislik va zamonaviy texnologiyalarga qiziqqan yoshlar uchun Ochiq eshiklar kuni tashkil etildi.
Dastur doirasida ekofaol va erkin jurnalist sifatida tanilgan Mo‘tabar Xushvaqtova tadbirga taklif qilindi. U hozirgi paytda jahon miqyosida ro‘y berayotgan o‘rmon yong‘inlari va ularning ekotizimga ta‘siri haqida ma‘ruza qildi.

Tadbir davomida yosh ishtirokchilar FIRST Global Challenge dasturi bilan yaqindan tanishtirildi. Shuningdek, STEAM markazi bo‘ylab sayohat qilinib, markaz to‘plamlarini sinab ko‘rish imkoniyatiga ega bo‘ldilar.