Pedagogik mahorat markazlari professor-o’qituvchilari uchun JICA tashkiloti eksperti Kana Takahashi ishtirokida Yaponiya tajribasi asosida o‘tkazilgan seminar-trening “Yangi avlod ta’limi — O‘zbekiston sinfxonalari tajribasi” mavzusida olib borildi.
Treningda ishtirokchilar:

- zamonaviy ta’lim siyosatining ustuvor yo‘nalishlari;
- o‘quvchi markazli yondashuv;
- kompetensiyaviy ta’lim hamda ta’lim jarayonida innovatsion metodlarni qo‘llash bo‘yicha ilg‘or tajribalar bilan yaqindan tanishdilar.

Shuningdek:
- Ta’lim sifatini oshirish;
- sinfdagi o‘quv jarayonini samarali tashkil etish;
- malaka oshiruvchilarning mustaqil fikrlashi, hamkorlikda ishlashi va muammolarni hal etish kompetensiyalarini rivojlantirishga qaratilgan xalqaro metodlarni o‘rgandilar.

Mazkur tadbir ilg‘or xorijiy tajribalarni milliy ta’lim tizimiga tatbiq etish va professor-o‘qituvchilar salohiyatini xalqaro tajribalar asosida oshirishga xizmat qiladi.