Unda Abu Ali ibn Sino nomidagi ixtisoslashtirilgan maktab o‘quvchilari ishtirok etib, jadid bobolarimiz hayoti, ma‘rifiy qarashlari va ularning milliy taraqqiyot yo‘lidagi fidokorona faoliyatiga bag‘ishlangan dars mashg‘ulotini o‘tkazdilar.

O‘quvchilarga jadidchilik harakatining mazmun-mohiyati, A.Avloniy va uning zamondoshlari tomonidan ilgari surilgan ta‘lim-tarbiya g‘oyalari bugungi yoshlar tafakkuri bilan bog‘lab tushuntirildi. Bu esa o‘quvchilarda tarixiy xotira, milliy o‘zlikni anglash hamda kelajak oldidagi mas‘uliyat hissini yanada oshirishga undaydi.