Prezident Sh.Mirziyoyevning yana bir muhim tashabbusi - Xotin-qizlar yetakchiligi bo‘yicha YUNESKO akademiyasini tashkil etish bo‘ldi.

Akademiyaning tashkil etilishi fan, madaniyat, ta’lim va boshqaruv sohalarida ayollarning salohiyatini oshirish, ularning xalqaro maydondagi faolligini kengaytirishga xizmat qiladi.

 Shuningdek, tashabbus doirasida Samarqandda barcha qit’alarning mashhur tadqiqotchilari, san’at namoyandalari, pedagog va ixtirochi xotin-qizlarning Ta’lim, madaniyat va fan sohasidagi global forumini o‘tkazish taklif etildi.