A.Avloniy nomidagi pedagogik mahorat milliy institutining “Uzluksiz kasbiy ta’lim” maxsus elektron platformasini (https://onlinedu.uz) so‘ngi islohotlardan kelib chiqqan holda takomillashtirish bo‘yicha yuqori malakali IT mutaxassislari shartnoma asosida ishga taklif etadi!

NOMZODLARGA QO‘YILADIGAN TALABLAR:

1. Elektron tizim yaratish bo‘yicha tajribaga ega;
2. Foydalanuvchi interfeysini andozalash, frontend va backend qismga ulash va dizayn elementlarini kodlashtirish;
3. Tizim analoglari, sohadagi texnik tendensiyalar bilan ishlash;
4. Tizim ma’lumotlar bazasini ishlab chiqish, tashqi integratsiyalarni amalga oshirish

NOMZODNING SHAXSIY SIFATLARI:

• Muddatlarga rioya qilish, mas’uliyat va javobgarlik;
• Yangiliklarni qabul qilishga ochiqlik, kreativ fikrlash.

VAZIFALAR:

Elektron platformada quyidagi takomillashtirish ishlarini olib borish, jumladan:

• Xalqaro ta’lim tashkiloti bilan hamkorlikda tashkil etilgan kurslarni texnik qo‘llab-quvvatlash va o‘tkazilgan malaka oshirish kurslari sertifikatlarini rasmiylashtirish;
• Maqsadli kurslar sertifikatini islohotlardan kelib chiqqan holda qayta ishlash (sertifikat matnini, institut nomini to‘g‘rilash);
• Maqsadli kurslar boʻyicha statistik ma’lumotlarni chiqarish;
• Maqsadli kurslarning davomiyligini belgilash funksiyasini ishlab chiqish;
• Maqsadli va malaka oshirish kurslarida tushadigan testlar sonini belgilash mexanizmini ishlab chiqish;
• Hududiy pedagogik mahorat markazlari tashkil etayotgan kurslardagi tinglovchilar soni 25 nafardan kam bo‘lgan taqdirda guruhni shakllantirish imkonini berish funksiyasini ishlab chiqish;
• KRK tadbirlari uchun funksiyalar imkoniyatini cheklash va KRK kirish buyrug‘ini shakllantirish mexanizmini ishlab chiqish;
• Elelktron platforma klonini olish;
• Vazirlikning ERP tizimi bilan integratsiya qilish ishlarini olib borish;
• Platformada yig‘iladigan statistik ma’lumotlarni boshqa tizimga berish uchun API chiqarish.

Talabgorlar 2024-yil 5-oktabrga qadar A.Avloniy nomidagi pedagogik mahorat milliy institutining  Inson resurslarini rivojlantirish bo‘limiga quyidagi hujjatlarni:

1. belgilangan vazifalar bo‘yicha tijorat taklifi;
2. maʼlumotnoma (Obektivka) (CV);
3. diplom, pasport nusxalarini topshirishlari so‘raladi.

Manzil: Toshkent shahar, Olmazor tumani, Ziyo koʻchasi, 6-uy.

Murojaat uchun telefon: (71) 246-98-69